«марказий банк» тегли мақолалар
Қурилиш материалларида таклифнинг ошиши янги бинолар нархини пасайтиради — МБ
Ички бозорда қурилиш материалларининг таклифи ошиб бормоқда, бу нархлар барқарорлашувига ва янги уй-жойлар нархи пасайишига таъсир кўрсатмоқда, деб таъкидлади Марказий банк. Регулятор импорт қурилиш материалларида нарх хавфини кўрмаяпти.
МБ Qulay Pul тўлов тизими операторининг лицензиясини қайтариб олди
Марказий банк Qulay Pul тўлов тизими оператори ва ўз тўлов тизимини йўлга қўйишни режалаштирган UzPost шуъба корхонасининг лицензияларини чақириб олди.
Кўчмас мулк бозоридаги фаолликнинг пасайиши «вазиятнинг барқарорлашуви» билан боғлиқ — МБ
МБ апрель-июнь ойларида уй-жой сотуви бўйича шартномалар сонининг қисқаришини «бозордаги вазиятнинг барқарорлашуви» билан боғлади. Регуляторнинг фикрича, уй-жой савдоси ва ижараси нархларининг ўсиш суръати ўртасидаги тафовутнинг ошиши сотиб олиш ва сотиш нархларининг пасайишига олиб келиши мумкин.
Ипотека бозори қисқармоқда, банк ипотека ставкалари эса кўтарилмоқда — Марказий банк
Биринчи ярим йилликда Ўзбекистонда ипотека кредитлари ҳажми қарийб 2 фоизга — 6,88 трлн сўмга, олувчилар сони эса 17,3 фоизга қисқарди. Шу билан бирга, ажратилган ипотека кредитларининг ўртача миқдори ва банк фоиз ставкалари ҳам ошди.
Муомаладаги нақд пуллар улуши ва картадаги пулни нақдлаштириб олиш камаймоқда — МБ
Январь-июнь ойларида умумий пул тушумлари 385 трлн сўмни ташкил этиб, ўтган йилга қараганда 30 фоизга ўсди. Банк карталаридаги пулларнинг 23 фоизи нақдлаштириб олинди (2023 йилнинг мос даврида 24 фоиз эди). Нақд пуллар улуши 3,7 фоиз бандга пасайиб, 21,1 фоизни ташкил қилди.
Ўзбекистоннинг олтин захираси кўпайганига қарамай, олтин-валюта резерви қисқарди
Июнь ойида Ўзбекистоннинг олтин-валюта захиралари 293,7 миллион долларга камайиб, 36,34 миллиард долларни ташкил этди. Олтиннинг жисмоний ҳажми 9,3 тоннага ошди, аммо валюта захиралари деярли 800 миллион долларга камайди.
Марказий банк эсдалик тангалари ва сувенир тўпламлари дизайнлари учун танлов эълон қилди
«Давлат белгиси» ДУК томонидан эсдалик тангалари ва сувенир тўпламлари дизайнларининг танлови эълон қилинди. Комиссия дизайн лойиҳаларини ўрганиб чиқиб, 15 та ғолибни танлаб олади. 1-ўрин учун 20 млн, 2-ўрин учун 15 млн, 3-ўрин учун 10 млн ва 4−15 ўринларга 3 млн сўмдан мукофот пули берилади.
Хорижий валютадаги депозитлар бўйича мажбурий захиралаш меъёри 4 фоиз бандга пасайтирилди
Марказий банк хорижий валютадаги депозитлар бўйича мажбурий захиралаш меъёрини 4 фоиз бандга пасайтирди ва 14 фоиз даражасида белгилади. Қарор банкларнинг ликвидлик ҳолатидан келиб чиқиб, кредитлар бўйича фоиз ставкаларини пасайтиришга шароит яратиш мақсадида қабул қилинган.
Марказий банк асосий ставкани 14 фоиз даражасида ўзгаришсиз қолдирди
Марказий банк асосий ставкани йиллик 14 фоиз даражасида ўзгаришсиз қолдириш тўғрисида қарор қабул қилди. Ставкани ўзгартирмаслик бўйича қарор энергия тарифлари ўзгаришининг инфляцион кутилмаларга таъсирини жиловлаш мақсади билан изоҳланган.
Марказий банк илк бор хорижий давлат қимматли қоғозларига инвестиция киритди
Ўзбекистон Марказий банки томонидан илк бор захираларни диверсификация қилиш мақсадида хорижий давлат қимматли қоғозларига бирламчи инвестиция киритилди ва тегишли портфеллар шакллантирилди.
Долларнинг расмий курси март охиридан бери илк бор 12 600 сўмдан пастлади
Марказий банк эълон қилган АҚШ долларининг сўмга нисбатан курси кетма-кет еттинчи савдо куни пасаймоқда. 24 майдан буён миллий валюта деярли 125 сўмга (1 фоиз) мустаҳкамланиб, март ойидан бери илк бор 12 600 сўмдан пастлади.
Сўм долларга нисбатан кетма-кет бешинчи сессияда мустаҳкамланиб бормоқда
Марказий банк эълон қиладиган АҚШ долларининг сўмга нисбатан курси кетма-кет беш савдо кунидирки, пасаймоқда. 24 майдан буён миллий валюта қарийб 84 сўмга мустаҳкамланиб, 12 640 сўмни ташкил қилди.
Уй-жой олиш қийинлашди, нархлар иш ҳақига қараганда тезроқ ўсмоқда — Марказий банк шарҳи
Уй-жой нархлари кескин ошиши туфайли аҳолининг харид қобилияти пасайиб, кўчмас мулкнинг бозор ва фундаментал нархлари ўртасидаги тафовут 24 фоизга етди, дея қайд этди Марказий банк. Квартиралар асосий эҳтиёжларни қондириш учун эмас, балки инвестиция объекти сифатида кўпроқ сотиб олина бошлаган.
Ўзбекистон банклари валюта курсининг ўзгарувчанлигини молия тизими учун асосий хавф деб ҳисобламоқда
Марказий банк томонидан банклар ўртасида ўтказилган сўровнома натижаларига кўра, валюта курсининг ўзгарувчанлиги Ўзбекистон молия тизими учун асосий тизимли хавф ҳисобланади. Бундан ташқари, инфляциянинг тезлашиши, геосиёсий вазиятнинг кескинлашиши ва бошқалар ҳам келтирилган.
«Ислом молияси тўғрисидаги қонун лойиҳаси тайёр» — МБ раиси ўринбосари
Исломий банкинг тўғрисидаги қонун лойиҳаси ишлаб чиқилди, у жорий йилда парламентга киритилади, деди МБ раиси ўринбосари Беҳзод Ҳамроев. Унинг айтишича, яқин вақт ичида микромолия ташкилотларида исломий молиявий хизматлар тўғрисидаги меъёрий ҳужжатлар ҳам қабул қилиниши кутилмоқда.
Коммунал хизматлари нархлари кўтарилиши фонида ўзбекистонликларнинг инфляцион кутилмаси кескин ошди
Ўзбекистон аҳолисининг йиллик инфляцион кутилмаси коммунал хизматлар нархлари кўтарилишидан сўнг кескин ошди, дейилади Марказий банкнинг мартда ўтказган сўрови натижасида. Корхоналар ҳам бу омилни қайд этган, аммо улар валюта курси ўзгаришининг инфляцияга таъсиридан кўпроқ ташвишланмоқда.
Йилнинг биринчи чорагида уй-жой нархлари қандай ўзгарди? Марказий банк шарҳи
Биринчи чоракда иккиламчи уй-жой нархлари ўсиши секинлашди, лекин бирламчи бозорда юқори ўсиш суръатлари сақланиб қолди, дея хабар берди Марказий банк. Мамлакат бўйлаб ижара нархи (долларда) бироз ошди (+1,4 фоиз), Тошкентда эса 9,2 фоизга пасайди. Пойтахтда ер нархи сотихига 364 млн сўмга етди.
Ўзбекистон валюта биржасидаги савдолар ҳажми пасайишда давом этмоқда
Биринчи чорак якунига кўра, Ўзбекистонда валюта айирбошлаш ҳажми 2,7 фоизга камайиб, 5,82 миллиард долларни ташкил қилди. Кўрсаткич ўтган йилнинг март ойидагига нисбатан 6,8 фоизга пасайган.
Олтин нархи кўтарилиши фонида Ўзбекистон олтин-валюта захиралари ошишда давом этмоқда
Жаҳон бозорида олтин нархининг кўтарилиши фонида апрель ойида Ўзбекистон олтин-валюта захиралари 35,1 млрд долларга етди. Захирадаги қимматбаҳо металлнинг физик ҳажми 1,24 тоннага камайди ва 2022 йилнинг май ойидан буён минимал даражада бўлиб қолмоқда.
Фискал интизом келгусида инфляцияга қўшимча босим шаклланишининг олдини олишда муҳим аҳамият касб этади — МБ
Марказий банк келгусида фискал интизомга риоя қилиниши ва бюджет харажатларининг йил бошида белгиланган даражалари доирасида амалга оширилиши инфляцияга талаб томондан қўшимча босим шаклланишининг олдини олишда муҳим аҳамият касб этишини қайд этди.
Энг кўп ўқилган хабарлар | Сўнгги янгиликлар
- Ўзбекистонда 17−23 февраль кунлари об-ҳаво қандай бўлади? «Газета.uz» шарҳи
- «Диссертация учун 3000−5000 доллар». Ўзбекистонда докторантура ислоҳоти нима учун натижа бермади? Тадқиқот
- «Ўғлимни ё заҳарлашган, ё қийнаб ўлдиришган» — Олмалиқдаги колониядан ўлиги чиққан 21 ёшли маҳкумнинг онаси
- Март ва августдан иш ҳақи ва пенсияларнинг ошиши ҳақидаги хабарлар ёлғон — Молия вазирлиги
- Фаоллар «Анҳор Локомотив» боғини сақлаб қолиш учун имзо йиғмоқда, у ерда кўп қаватли бинолар қурилиши мумкин
Қўшимча имкониятлардан фойдаланиш учун сайтда рўйхатдан ўтинг